Tuesday, 28 October 2014

ஆற்றுமணல் கொள்ளை: ஒரு ஆறும் அதன் ஊரும் சிதைந்துகொண்டிருக்கும் வரலாறு!

கடலூர் மாவட்டம் , விருத்தாசலம் வட்டம், விருத்தாசலம் சேலம் சாலையில் மணிமுத்தாற்றங்கரையில் அமைந்துள்ள கிராமம் பரவலூர். இக்கிராமத்தின் ஊடாக செல்லும் மணிமுத்தாற்றில் கடந்த 11.09.2014 முதல் அரசு மணல் குவாரி ஒன்று துவக்கப்பட்டுள்ளது.இக்குவாரி அமைக்க ஆற்றின் உள்ளே செம்மண் சாலை அமைக்கும் பணி நடைபெற்ற போதே பரவலூர் பொதுமக்களும், இப்பகுதியில் உள்ள பல்வேறு அரசியல் கட்சியினரும் மணல் குவாரி அமைக்க எதிர்ப்புத் தெரிவித்தார்கள், விருத்தாசலம் கோட்டாட்சியர் ,வட்டாட்சியர்.காவல் துறையினரின் முழு ஒத்துழைப்போடு குவாரி ஒப்பந்ததாரர் பொது மக்களாகிய எங்களை அடியாட்கள் மூலம் மிரட்டியும், பொது மக்களிடையே சாதி அடிப்படையிலான பிளவுகள், மோதலை உருவாக்கும் வகையிலான தந்திரங்களை கையாண்டும் மக்களின் எதிர்ப்பை சிதறடிக்க முயற்சித்து வருகின்றனர். இதோடு பரவலூர் கிராமத்திலும் இவ்வட்டாரத்தில் உள்ள அரசியல் கட்சியினரையும் மற்றும் ஊராட்சிமன்ற தலைவரையும் விலைக்கு வாங்கியும் எமது போராட்டத்தை நீர்த்துப்போகச் செய்ய முயன்று வருகின்றனர்.

பரவலூர் பொதுமக்கள் மணல் குவாரிக்கு எதிர்ப்பு தெரிவிக்கும் அதே நேரத்தில் பரவலூர் கிராம பொதுமக்களிடையே சாதி ரீதியாக பிரித்தாளும் சூழ்ச்சியை கையாளும் மணல் குவாரி ஒப்பந்ததாரரின் சூழ்ச்சிக்கு பலியாகிவிடாத வகையில் போராட்டங்களை மிகவும் கவனமாக நடத்தி வருகிறார்கள்.

இந்த வழிமுறையின் ஒரு அங்கமாக அரசு அதிகாரிகளுடன் பேச்சுவார்த்தை நடத்துவதை பிரதான வழிமுறையாக கடைபிடித்து கோட்டாட்சியர் அலுவலகத்தில் கோட்டாட்சியர் தலைமையில் கடந்த 14.09.2014 மற்றும் 20.09.2014 ஆகிய தேதிகளில் இரண்டு சமாதான கூட்டங்களில் கலந்துகொண்டனர்.

முதல் சமாதான கூட்டம் நடைபெற்ற 14.09.2014 அன்று மணல் குவாரியை உடனடியாக மூட வேண்டும் என்று கோரிக்கை வைத்தனர். எமது இந்த கோரிக்கையை மாவட்ட ஆட்சியரின் கவனத்திற்கு கொண்டு செல்வதாகவும், மாவட்ட ஆட்சியரிடம் இருந்து உரிய பதில் கிடைக்கும் வரை மணல் குவாரியின் செயல்பாட்டை தற்காலிகமாக நிறுத்தி வைப்பதாகவும், அது வரை போராட்டங்கள் எதையும் நடத்த வேண்டாம் என்றும் கோட்டாட்சியர் மக்களை கோட்டுக்கொண்டார். கோட்டாட்சியரின் இந்த வேண்டுகோளை ஏற்று போராட்டத்தை நிறுத்தி வைக்க முடிவு செய்தனர். ஆனால் இக்கூட்டத்தில் கோட்டாட்சியர் மக்களுக்கு அளித்த வாக்குறுதிக்கு நேர்மாறாக மறுநாளே 15.09.2014 மீண்டும் மணல் குவாரி செயல்படத்துவங்கியது. மணல் குவாரியில் நான்கு பொக்லைன்(HITACHI) கனரக இயந்திரங்கள் மூலம் நூற்றுகணக்கான லாரி மணல் கொண்டு செல்லப்பட்டது. இதை அறிந்த மக்கள் உடனடியாக மணல் லாரிகள் குவாரியை விட்டு வெளியே செல்லாமல் தடுத்து மறியலில் ஈடுபட்டனர். உடனே அங்கு வந்த விருத்தாசலம் வருவாய் வட்டாட்சியர் மக்களை கலைந்து போகச்சொன்னதுடன் உங்கள் கோரிக்கையை கோட்டாட்சியரிடம் தெரிவிப்பதாகவும் தெரிவித்தார்.

இதை மக்கள் ஏற்க மறுத்ததால் மணல் அள்ளுவதை இப்போதைக்கு நிறுத்துவதாகவும், நாளை மீண்டும் கிராம மக்களை சந்திப்பதாகவும் கூறினார்.வட்டாட்சியரின் இந்த ஆலோசனையை நாங்கள் ஏற்க வேண்டும் என்றால் லாரிகளில் ஏற்றப்பட்டுள்ள மணலை ஆற்றிலேயே திருப்பி கொட்ட வேண்டும் என்று நிபந்தனை வைத்தனர்.இதன் அடிப்படையில் லாரியில் ஏற்றப்பட்ட மணல் கொட்டப்பட்ட பிறகு மக்கள் தமது போராட்டத்தை கைவிட்டு கலைந்து சென்றனர்.மீண்டும் முன்பு போலவே வட்டாட்சியர் அளித்த வாக்குறுதிக்கு மாறாக மறுநாளே மீண்டும் மணல் அள்ளப்பட்டது, ஆனால் இம்முறை உள்ளூரில் விலைக்கு வாங்கப்பட்ட அடியாட்களை வைத்து மணல் அள்ளியதால் அப்பகுதிக்கு மக்கள் சென்றால் அடியாட்களால் பொதுமக்கள் தாக்கப்படும் அபாயமும் ,சாதிய மோதலும் நிகழும் என்பதால் பொதுமக்களை மணல் குவாரிக்கு அழைத்து வருவதை தவிர்த்துவிட்டு, எமது எதிர்ப்பை பதிவு செய்யும் வகையில் போராட்டகுழு உறுப்பினர்கள் மட்டும் மணல் எடுப்பதை எதிர்த்து மறியல் செய்தோம், நாங்கள் எதிர்பார்த்ததை போன்றே மணல் குவாரியில் தயார் நிலையில் இருந்த அடியாட்கள் எங்களை தாக்கினார்கள்.நாங்கள் திருப்பி தாக்கினால் சட்டம் ஒழுங்கு பிரச்சனையை காரணம் காட்டி அரசு அதிகாரிகளும், காவல்துறையும் ஒப்பந்ததாரருக்கு ஆதரவாக எமது போராட்டத்தை திசைதிருப்புவார்கள் என்பதால் நாங்கள் பின்வாங்கினோம்.

பின்னர் கிராம மக்களிடையே பேசி மணல் குவாரி செயல்படுவதை நேரடியாக தடுத்தால் அது அடியாட்கள் மூலம் சட்டம் ஒழுங்கு பிரச்சனையாக, சாதிய மோதலாக திசை திருப்பப்பட்டுவிடும் என்பதால் இனி குவாரியில் நேரிடியாக போராடாமல் கோட்டாட்சியர் அலுவலகத்தை முற்றுகையிடுவது என்று தீர்மானித்தோம்.

அதன்படி 20.09.2014 அன்று வட்டாட்சியர் அலுவலகத்தில் நூற்றுகணக்கான மக்கள் திரண்டு முற்றுகையிட்டோம். எமது முற்றுகையை அடுத்து கோட்டாட்சியர் அலுவலகத்தில் மீண்டும் ஒரு சமாதானக்கூட்டம் நடைபெற்றது.இக்கூட்டத்தில் கோட்டாட்சியர் ,வட்டாட்சியர் ,காவல்துறையினர் ஆகியோர் கலந்து கொண்டனர்.இக்கூட்டத்தில் முந்தைய சமாதானக்கூட்டத்தில் எடுக்கப்பட்ட முடிவுக்கு மாறாக மறுநாளே மீண்டும் மணல் எடுக்க கோட்டாட்சியர் அனுமதி வழங்கியதற்கும், அதற்கு அடுத்த நாள் மணல் குவாரியில் வட்டாட்சியர் அளித்த வாக்குறுதிக்கு மாறாக மணல் எடுக்க அனுமதி வழங்கியதற்கும் , மணல் குவாரி ஒப்பந்ததாரர் அடியாட்களை பயன்படுத்துவதை கண்டும் காணாமல் வந்த வட்டாட்சியரின் செயலுக்கும் எமது எதிர்ப்பை, தெரிவித்தோம். இதோடு இச்சமாதான கூட்டம் இங்கு நடைபெற்றுக் கொண்டிருக்கும் போதே மணல் குவாரி ஒப்பந்ததாரர் நூற்றுக்கணக்கான அடியாட்களை திரட்டி மணல் குவாரி அருகில் விருத்தாசலம் – சேலம் சாலையில் ஆயுதங்களுடன் நிறுத்தி வைத்திருப்பதால் நாங்கள் ஊர் திரும்பும் போது அடியாட்களால் தாக்கப்படும் அபாயமும் உள்ளது. எனவே உடனடியாக மணல் குவாரியை மாவட்ட உரிமையியல் நீதிமன்றம் வழங்கியுள்ள ஆணைக்கு ஏற்ப உடனடியாக மூடிவிட வேண்டும்.மேலும் மணல் குவாரி அருகில் திரட்டப்பட்டுள்ள அடியாட்களை அங்கிருந்து அப்புறப்படுத்த வேண்டும். அதுவரை நாங்கள் அனைவரும் இந்த அலுவலக வளாகத்தை விட்டு வெளியேற மாட்டோம் என்ற எமது முடிவை கோட்டாட்சியரிடம் தெரிவித்தோம்.

இதற்கு பதில் அளித்த கோட்டாட்சியர் உங்கள் கோரிக்கைகளை பற்றி உடனடியாக முடிவெடுக்க தனக்கு அதிகாரம் இல்லை என்றும், எனவே மாவட்ட ஆட்சியரிடம் இது பற்றி ஆலோசித்துவிட்டு உரிய பதில் அளிப்பதாகவும், அதுவரை காத்திருக்குமாறும் கூறினார். இரண்டு மணி நேரம் கழித்து மணல் குவாரியை தற்காலிகமாக நிறுத்தி வைப்பதாகவும் ,மணல் குவாரி அருகில் ஒப்பந்ததாரரால் நிறுத்தி வைக்கப்பட்டுள்ளதாக நீங்கள் கூறும் அடியாட்களை அங்கிருந்து அப்புறப்படுத்த காவல்துறைக்கு உத்திரவிட்டிருப்பதாகவும், அடுத்த சமாதான கூட்டம் மீண்டும் 23.09.2014 அன்று நடைபெறும் என்றும் கோட்டாட்சியர் அறிவித்தார்.இதை ஏற்றுக்கொண்ட நாங்கள் ஊர் திரும்பினோம்.

அன்றிலிருந்து 30.09.2014 தற்போதுவரை வரை மணல் குவாரியில் மணல் அள்ளப்படாவிட்டாலும் கோட்டாட்சியர் அறிவித்த சமாதான கூட்டம் 23.09.2014 அன்று நடத்தப்படவில்லை.அதோடு 2001-ம் ஆண்டு மாவட்ட உரிமையியல் நீதிமன்றம் பரவலூர் கிராமத்தில் மணல் எடுக்க நிரந்தர தடையாணை விதித்து அளித்துள்ள தீர்ப்பை நாங்கள் சுட்டிக்காட்டியும், அதன் நகலை கோட்டாட்சியரிடம் வழங்கி எச்சரித்த பின்னரும் மணல் குவாரி அமைக்க வழங்கப்பட்டுள்ள அனுமதியை திரும்பப்பெறவில்லை. மேலும் மணல் குவாரியில் மணல் அள்ளிய கனரக பொக்லைன் இயந்திரங்கள் மணல் குவாரிக்கு எதிரிலேயே இன்றுவரை நிறுத்தி வைக்கப்பட்டுள்ளது.

மணிமுத்தாற்றின் இயற்கை கட்டமைப்பு:-

மணிமுத்தாறு விழுப்புரம் மாவட்டம் கல்வராயன் மலையில் சிற்றோடையாக தொடங்குகிறது.இதனோடு பல்வேறு சிற்றோடைகளும் இணைந்து கடலூர் மாவட்டம் நல்லூர் என்ற ஊரின் அருகில் இருந்துதான் மணல் வளமிக்க ஆறாக வடிவமெடுக்கிறது.இங்கிருந்து விருத்தாசலம் ஊடாக பயணிக்கும் இந்த ஆறு சேத்தியாதோப்பு என்ற ஊரில் வெள்ளாற்றுடன் சங்கமிக்கிறது.

பல்லாயிரக்கணக்கான ஆண்டுகளாக இவ்வாறு இதே பாதையில் பயணித்து, தான் செல்லும் வழி நெடுகிலும் மக்கள் வாழுமிடங்களை வளம் கொழிக்கும் பூமியாக வைத்திருக்கிறது.இந்த ஆற்றில் நல்லூர் அருகே உள்ள மேமாத்தூர் என்ற ஊரில் தடுப்பணை ஒன்று கட்டப்பட்டுள்ளது.மணிமுத்தாறு இந்த தடுப்பணையில் இருந்து கால்வாய் மூலம் விருத்தாசலம் வரை உள்ள கிராமங்களின் பாசன ஏரிகளுக்கு நீர் கொண்டு செல்லப்படுகிறது.

இதன் மூலம் கொடுக்கூர்,பெரம்பலூர்,மன்னம்பாடி,சாத்தியம்,விளாங்காட்டூர்,தொரவலூர்,பரவலூர்,கோமங்கலம்,முகுந்தநல்லூர், சாத்துக்கூடல்,க.இளமங்கலம், ஆலிச்சிக்குடி,விருத்தாசலம் ஆகிய ஊர்களில் உள்ள ஏரிகளில் நீர் நிரப்பப்படுகிறது.இந்த ஏரிகளில் தேக்கப்படும் நீர் அவ்வூர்களில் உள்ள விவசாய நிலங்களுக்கு பாசன வசதி அளிப்பதோடு அவ்வூர்களில் நிலத்தடி நீருக்கான முக்கிய ஆதாரங்களில் ஒன்றாகவும் அமைகிறது.

நல்லூர் கிராமத்தில் இருந்து மணல் வளமிக்க ஆறாக வடிவம் எடுக்கும் மணிமுத்தாற்றின் தென்கரையில் நல்லூர்,வண்ணாத்தூர்,மேமாத்தூர்,கச்சிபெருமநத்தம்,பரவலூர்,கோமங்கலம், மணவாளநல்லூர் ஆகிய கிராமங்களும், வடகரையில் இலங்கியனூர்,மேமாத்தூர்,மேமாத்தூர் ரயில்வே காலணி,ராசாபாளையம்,எருமனூர் ஆகிய கிராமங்களும் அமைந்துள்ளன.

மணிமுத்தாற்றில் வெள்ளப்பெருக்குகளின் போது ஏற்படும் மண் அரிப்பும் பாதிப்புகளும்.

பல்லாயிரக்கணக்கான ஆண்டுகளாக உள்ள இந்த ஆறு, கடந்த ஐம்பதாண்டுகளில் மேமாத்தூரில் இருந்து கோமங்கலம் வரை வரலாற்றில் வேறெப்போதும் நிகழாத அளவிற்கு மிகப்பெரிய அளவில் மண் அரிப்பு ஏற்பட்டுள்ளது.இதன் விளைவாக பலநூறு ஏக்கர் விளைநிலங்கள் ஆறாக மாறியுள்ளது. ஆற்றின் அகலமும், ஆழமும் இருமடங்காக அதிகரித்துள்ளது.இதன் காரணமாக ஆற்றின் பல பகுதிகளில் சுண்ணாம்பு பாறைகளும்,களி மண்ணும் வெளியே தெரிகின்றன.ஏறத்தாழ இருபது ஆடி அளவிற்கு இயற்கை அண்ணையின் மடியில் காலம்,காலமாக படுத்திருந்த மணல் காணாமல் போய்விட்டது.

கடந்த ஐம்பதாண்டுகளில் மண் அரிப்பிற்கான மூலக்காரணம்.

கடலூர் மாவட்டத்தில் உள்ள நெய்வேலி நிலக்கரி நிறுவனம் 1956-ம் ஆண்டில் துவங்கப்பட்டது.அதன் கட்டுமானப் பணிகளுக்கு இம்மாவட்டத்தில் உள்ள மணிமுத்தாறு மற்றும் வெள்ளாற்றில் இருந்து மணல் கொண்டு செல்லப்பட்டது. மணிமுத்தாற்றில் தற்போது ஆரம்பிக்கப்பட்டுள்ள மணல் குவாரி அமைந்துள்ள அதே இடத்திலிருந்து அதாவது பரவலூர் கிராமத்தின் கிழக்கு பக்க எல்லையில் இருந்து, மேற்கு பக்க எல்லை வரை உள்ள ஆற்று பகுதியில்தான் ஆயிரக்கணக்கான லாரி மணல் 20 அடி ஆழத்திற்கு, மணலுக்கு கீழே சுண்ணாம்பு பார் வெளியே தெரியும் அளவிற்கு முற்றாக சுரண்டி எடுக்கப்பட்டது.ஆற்றில் இருந்த மணல் 20 அடி ஆழத்திற்கு முற்றாக சுரண்டி அள்ளப்பட்டுவிட்டதால் - இயற்கையாகவே இப்பகுதி வடக்கிலிருந்து தெற்காக சரிவாக அமைந்துள்ளதால் மழைக்காலங்களில் 1960-களுக்கு பின்னர் ஏற்பட்ட வெள்ளப்பெருக்குகளால் உண்டான நீரின் அழுத்தம் மற்றும் வேகத்தினால் ஆற்றின் தென்பகுதி கரையில், வரலாற்றில் வேறெப்போழுதும் நிகழாத அளவுக்கு மண் அரிப்பை ஏற்படுத்தி ஏராளமான விளை நிலங்களை காவுகொண்டது. இதன் மற்றொரு விளைவு பரவலூர் கிராமத்தில் குடியிருப்பிற்கு கிழக்கிலும்,மேற்கிலும் முற்றிலும் புதிதான இரு கொண்டை ஊசி வளைவுகள் உருவாகின.

கொண்டை ஊசி வளைவுகளின் சிறப்பம்சங்கள்.

கொண்டை ஊசி வளைவின் நடுப்பகுதி ஆற்றங்கரையின் நேர்க்கோட்டு பாதையில் இருந்து வெளிப்பக்கமாக வளைந்து செல்லக்கூடியது.இதனால் கொண்டை ஊசி வளைவு தொடங்கிய பகுதியின் முனையும் முடியும் பகுதியின் முனையும் ஏறத்தாழ நேர்க்கோட்டு பாதையில் வருகிறது.இந்த கட்டமைப்பின் காரணமாக கொண்டை ஊசி வளைவு தொடங்கும் இடத்தில் இருந்து ஆற்று நீர் வெளிப்பக்க வளைவிற்கு ஏற்ப வளைந்து சென்று, முடியும் பகுதியின் மீது தனது முழுபலத்துடன் மோதுவதால் அவ்விடத்தில் நீர் சுழற்சி ஏற்படுகிறது.இந்த சுழல்வட்டப்பாதை ஆற்றின் எதிர்கரை வரை சென்று ஆற்று மணலை எதிர் பக்கத்தில் குவிக்கிறது.இந்த சுழற்சியின் போது மென்மையான,வளமான மணல் எதிர்கரையின் பக்கம் நீர் சுழற்சியோடு இணைந்து கொண்டு செல்லப்பட்டு குவிக்கப்படுகிறது.

கொண்டை ஊசி வளைவுகள் உள்ள பகுதி இயற்கையாகவே அதன் எதிர்ப்பக்கத்தை விட தாழ்வான பகுதியாக உள்ள காரணத்தால், அதன் எதிர்ப்பக்க கரைப் பகுதியில் மணல் குவிக்கப்படுவதற்கு நேர் எதிராக கொண்டை ஊசி பகுதி நீரின் வேகம் மற்றும் அழுத்தத்தின் காரணமாக மண் அரிப்பு மேலும் அதிகரித்து அது கொண்டை ஊசி பகுதியின் ஆழத்தையும் , அகலத்தையும் ஒவ்வொரு ஆண்டும் ஆற்றின் நீர் செல்லும் அளவிற்கு ஏற்ப அதிகரிக்க செய்கிறது.

பரவலூர் கிராமத்தின் கீழ்புறத்தில் உள்ள கொண்டை ஊசி வளைவு 1-ன் முடிவு பகுதியும், மேற்புறத்தில் உள்ள கொண்டை ஊசி வளைவு 2-ன் பகுதியும், இரண்டின் தொடக்கப்பகுதியும் , இவ்விரு கொண்டை ஊசி பகுதிகளுக்கு இடையில் உள்ள பரவலூர் கிராம குடியிறுப்பு பகுதியின் தென்பகுதி எல்லையும் ஒரே நேர்க்கோட்டில் வருகிறது.இரண்டு கொண்டை ஊசி பகுதிகளுக்கும் இடையில் உள்ள குடியிருப்புப் பகுதி, ஆற்றில் ஏற்படும் வெள்ளப்பெருக்கின் போது கொண்டை ஊசி வளைவுகளின் விரிவடைதலுக்கு ஏற்ப அழிவின் விளிம்பில் நிறுத்தப்பட்டுள்ளது.இதை உடனடியாக தடுக்கும் திட்டங்களை செயல்படுத்தாவிட்டால் கீழ் பகுதி மேற்பகுதி கொண்டை ஊசி வளைவுகளின் கோரத்தாண்டவத்தால் அவைகள் நேர்கோட்டில் இணைவதை எவராலும் தடுக்க முடியாது.

(படத்தை பெரிதாக்கி பார்க்கவும்)

இரு மஞ்சள் கோடுகளுக்கு இடைப்பட்ட 1 குறிப்பிட்டுள்ள பகுதி கொண்டை ஊசி வளைவு -1. 2- என குறிப்பிட்டுள்ள பகுதி கொண்டை ஊசி வளைவு -2 ஆகும்.மேலும் சிவப்பு நிறத்தில் கட்டமிட்டு காட்டியுள்ள பகுதிகள் பரவலூர் பஞ்சாயத்துக்குட்பட்ட மக்கள் குடியிறுப்புகள்.

நெய்வேலி நிலக்கரி நிறுவன கட்டுமான பணிகளுக்காக 1956 மற்றும் 1990 களில் பெருமளவு மணல் எடுக்கப்பட்டதால்தான் பரவலூர் கிராமத்தில் இரு ஆபத்தான கொண்டை ஊசி வளைவுகள் உருவாகியுள்ளன.

கொண்டை ஊசி வளைவு 1-ன் முடிவு பகுதியின் தென்புறக்கரை மூன்று மீட்டர் அகலம் மட்டுமே தற்போது உள்ளது.இதை அடுத்து மேமாத்தூர் தடுப்பணையில் இருந்து ஏரிகளுக்கு நீர் செல்லும் கால்வாயும் ,அதைத் தொடர்ந்து விருத்தாசலம் - சேலம் சாலையும் அமைந்துள்ளன. கொண்டை ஊசி வளைவு- 1 –ன் ஆபத்தினால் விருத்தாசலம் – சேலம் சாலையும் உடைப்பு ஏற்படுவதை தடுக்க அவ்விடத்தில் 10 மீட்டர் உயரமும் நீளமும் உடைய ஒன்பது தடுப்புச் சுவர்களை வெள்ளத்தடுப்பு மேலாண்மை திட்டத்தின் கீழ் 17.65 கோடி செலவில் பொதுப்பணித்துறை கட்டியுள்ளது.இந்த தடுப்புச் சுவர்கள் கட்டப்படாமல் இருந்திருந்தால் வெள்ளப்பெருக்குகளின் போது கரை உடைபெடுத்து விருத்தாசலம் – சேலம் சாலை துண்டித்து கோமங்கலம்,மணவாளநல்லுர் ஆகிய ஊர்களில் பெரும் வெள்ளப்பெருக்கையும், அழிவையும் ஏற்படுத்தியிருக்கும். நூற்றுக்கணக்கான மனித உயிர்களை காவு கொண்டிருக்கும்.அதே வேளையில் இந்த தடுப்புச்சுவர்கள் குறிப்பிட்ட அப்பகுதியை பாதுகாத்தாலும், மண் அரிப்பிற்கு உள்ளாகியுள்ள பரவலூர் கிராமத்தையும் அதன் விளைநிலங்களையும், கோமங்கலம் கிராம விளைநிலங்களையும் பாதுகாக்கவில்லை.முன் எப்போதும் போலவே இப்போதும் மண் அரிப்பினால் ஆபத்தை எதிர்கொண்டே உள்ளன.

இதற்கு முன்பு பரவலூர் கிராம ஆற்றுபகுதி இருமுறை பெருமளவு அள்ளப்பட்ட மணலினால் பெரும் பாதிப்புகளை சந்தித்துள்ள இப்பகுதியை பாதுகாக்க வேண்டிய தமிழக அரசோ, அதற்கு நேர்மாறாக மூன்றாவது முறையாக மணல் குவாரி அமைத்ததன் மூலம் ஏற்படபோகும் அழிவின் வேகத்தை துரிதப்படுத்தும் வேளையில் இறங்கியுள்ளது. இதற்கு முன்பு 1956 மற்றும் 1990 களில் அள்ளப்பட்ட மணலால் உருவான கொண்டை ஊசி வளைவுகளில் இயற்கை அண்ணை தன்னை சமனிலைப்படுத்திக்கொள்ள அரிப்பு மற்றும் சரிவு ஆகிய வடிவங்களில் சேமித்து வைத்துள்ள மணலை தாயின் மடியறுத்து பால் கறப்பதைப் போன்று மணல் கொள்ளையர்கள் ஒட்டச்சுரண்டிவிடுவார்கள்.இதை நிரூபிக்கும் வகையிலேயே தற்போது துவங்கப்பட்டுள்ள மணல் குவாரியில் ஏறத்தாழ பதினைந்து அடி ஆழத்துக்கும் மேலாக ஒரு சில நாட்களிலேயே களிமண்பார் வெளியே தெரியும் அளவிற்கு மணல் ஒட்ட சுரண்டி அள்ளப்பட்டுள்ளது.

கீழே செம்மண்பார் வெளியே தெரியும் அளவிற்கு மண் அள்ளியுள்ள காட்சி.

ஏறக்குறைய 15 ஆழத்திற்கு மண் அள்ளியுள்ள காட்சி.

அடுத்த சில ஆண்டுகளில் ஏற்படப்போகும் அழிவுகளும்,பாதிப்புகளும்.

· தற்போது துவங்கப்பட்டுள்ள மணல் குவாரி செயல்பட அனுமதிக்கப்பட்டால், அடுத்த சில ஆண்டுகளில் மணிமுத்தாற்றில் ஏற்படும் வெள்ளபெருக்குகளின் போது கொண்டைஊசி வளைவு – 1 மற்றும் -2 இரண்டும் இணைந்து பரவலூர் என்ற கிராமமே தமிழக வரைபடத்தில் இல்லாமல் போய்விடும்.இதுவே இந்த மணல் குவாரியால் ஏற்படபோகும் முதன்மையானதும் மிகப்பெரியதுமான விளைவாகும்.

· இதன் அடுத்த விளைவாக பலநூற்றுகணக்கான ஏக்கர் விளைநிலங்கள் மண் அரிப்பிற்குள்ளாகி ஆறாக மாறுவதால் இதை நம்பி உயிர்வாழும் நூற்றுக்கணக்கான விவசாயிகளின் வாழ்வாதாரம் முற்றாக அழிக்கப்பட்டுவிடும்.

· மணிமுத்தாற்றில் உள்ள மணல் ஒட்டசுரண்டி அள்ளப்படுவதால் இந்த ஆற்றின் கரையில் உள்ள கிராமங்களில் மட்டுமல்ல இவ்வாற்றை சுற்றியுள்ள 20- திற்கும் மேற்பட்ட கிராமங்களில் நிலத்தடி நீர் ஆதாரமே இல்லாமல் போய்விடும் அபாயம் உள்ளது.இதனால் இவ்வட்டாரத்தில் குடிநீர் மற்றும் விவசாயத்திற்கு தேவையான நிலத்தடிநீர் இல்லாமல் போய் இவ்வட்டாரமே மக்கள் வாழத்தகுதியற்ற பகுதியாக மாறிவிடும் அபாயமும் உள்ளது. இதற்கு ஆதாரமாக பரவலூர் கிராம பகுதிகளில் 1960 களில் ஐந்தடி ஆழத்தில் இருந்த நிலத்தடி நீர் மட்டம் படிப்படியாக குறைந்து தற்போது 55 அடி முதல் 60 அடி ஆழத்திற்கு சென்றுவிட்டது.இக்கிராமத்திலும் இதை சுற்றியுள்ள கிராமங்களிலும் 60 அடிக்கு கீழே 300 அடி வரை நிலத்தடிநீர் வளமே இல்லை என்பதும்,அப்படியே ஒரு சில இடங்களில் கிடைத்தாலும் அந்த நீர் குடிநீருக்கோ, விவசாயத்திற்கோ பயன்படுத்த முடியாத வேதிப்பொருட்கள் நிறைந்த நீராகவே உள்ளது.எனவே இப்போதுள்ள 60 அடி ஆழ நீர்மட்டத்தை பாதுகாப்பதும், அதற்கான ஆதாரமாக உள்ள ஆற்றுமணல் கொள்ளை போவதை தடுப்பதுமே இவ்வட்டார மக்கள் வாழ்வாதாரத்திற்கான ஒரே வழிமுறையாகும்.

1990 -களில் அமைக்கப்பட்ட மணல் குவாரியால் ஏற்பட்ட பாதிப்புகளுக்கு எதிராக நீதிமன்றத்தில் தொடுக்கப்பட்ட வழக்கும் அதில் வழங்கப்பட்ட தீர்ப்பாணையும்.

பரவலூர் கிராமத்தில் 1990 களில் அமைக்கப்பட்ட மணல் குவாரியால் ஏற்பட்ட பாதிப்புகள் மற்றும் இரு குழந்தைகளின் உயிரிழப்பு ஆகியவற்றின் காரணமாக பரவலூர் முன்னால் ஊராட்சிமன்ற தலைவர் திரு.ஆசைத்தம்பி அவர்கள் விருத்தாசலத்தில் உள்ள உரிமையியல் நீதிமன்றம் மு.வ.எண் 939/91 –ல் வழக்கு தொடர்ந்தார்.இந்த வழக்கின் தீர்ப்பு 26.10.1999 தேதி அன்று அளிக்கப்பட்டது.இந்த தீர்ப்பு மனுதாரருக்கு எதிராக அமைந்ததால்,இத்தீர்ப்பை எதிர்த்து மனுதாரர் மாவட்ட உரிமையியல் நீதிமன்றத்தில் மேல்முறையீடு எண்:2/2000 மேல்முறையீடு செய்தார்.

இம்மேல்முறையீட்டு வழக்கில் எதிர்வாதிகளாக

1.தமிழ்நாடு அரசு ரெப் பை தென்னாற்காடு மாவட்ட ஆட்சித்தலைவர்

2.விருத்தாசலம் கோட்டாட்சித் தலைவர்- விருத்தாசலம்.

3.விருத்தாசலம் வட்டாட்சித் தலைவர்- விருத்தாசலம்.

4.ராஜசேகரன்,(மணல் குவாரி ஒப்பந்ததாரர்) ஆகியோர் சேர்க்கப்பட்டிருந்தனர்.

இவ்வழக்கில் மனுதாரருக்கு சாதகமாக 2001-ம் ஆண்டு ஜீன் திங்கள் 15 –நாள் தீர்ப்பு வழங்கப்பட்டது(தீர்ப்பாணையின் நகல் இத்துடன் இணைக்கப்பட்டுள்ளது.)

மாவட்ட உரிமையியல் நீதிமன்ற தீர்ப்பின் காரணமாக 2001- க்கு பிறகு பரவலூர் கிராமத்தில் மணல் குவாரி அமைக்கபடவில்லை.ஆனால் நீதிமன்ற தடையாணை நீடிக்கும் போதே அதை பொருட்படுத்தாமல் அதை அவமதிக்கும் வகையில் தற்போது மணல் குவாரி தமிழக அரசின் அதிகாரிகளால் குத்தகைக்கு விடப்பட்டுள்ளது.இம்மாதத்தில் 14.09.2014 மற்றும் 20.09.2014 ஆகிய இரு சமாதான கூட்டங்களிலும் கோட்டாட்சியர் மற்றும் வட்டாட்சியர்,காவல்துறை அதிகாரிகள் ஆகியோர்களிடம் நீதிமன்ற தடையாணைப் பற்றியும், அதன் நகலையும் மக்கள் சுட்டிக்காட்டியும், அளித்த பின்னரும் கூட அதை ஒரு பொருட்டாக அதிகாரிகள் எடுத்துக்கொள்ளவில்லை.

எப்படியாவது பொதுமக்களை எங்களை ஏமாற்றி மணல் குவாரியை அதன் குத்தகைதாரருக்கு ஆதரவாக இயங்கவைப்பதிலேயே கோட்டாட்சியரும்,வட்டாட்சியரும் தீவிர கவனமும்,அக்கறையும் செலுத்தி வருவதால் கடலூர் மாவட்ட ஆட்சியர், விருத்தாசலம் கோட்டாட்சியர்,விருத்தாசலம் வட்டாட்சியர் ஆகியோருக்கு எமது போராட்டக்குழுவின் சார்பில் கடந்த 24.11.2014 அன்று பரவலூர் கிராமத்தில் மணல் குவாரி அமைக்க அனுமதி அளித்தது, நீதிமன்ற ஆணைக்கு எதிரானது என்பதையும் அது நீதிமன்ற அவமதிப்பு என்று சுட்டிக்காட்டி,எச்சரித்து உடனடியாக மணல் குவாரிக்கு வழங்கப்பட்டுள்ள அனுமதியை திரும்ப பெறாவிட்டால் உங்கள் மூவர் மீதும் நீதிமன்ற அவமதிப்பு வழக்கு தொடரப்படும் என்பதையும் குறிப்பிட்டு எமது வழக்கறிஞர் மூலம் அறிவிப்பு கடிதம் ஒன்றை அனுப்பியுள்ளோம்.

எல்லாவற்றிற்கும் மேலாக கோட்டாட்சியர் அலுவலகத்தில் நடைபெற்ற இரு சமாதானகூட்டங்களிலும் மணல் குவாரி ஒப்பந்ததாரர் யார் என்பதை நாங்கள் வலியுறுத்திக்கேட்டும், கோட்டாட்சியர் தகவல் தர மறுத்துவிட்டார்.மணல் குவாரி ஒப்பந்ததாரரின் பெயரை வெளியே சொல்ல மறுக்கும் கோட்டாட்சியரின் செயல் ஏன் என்பது எமக்கு விளங்கவில்லை.

நீதிமன்ற ஆணைக்கே கட்டுப்பட மறுக்கும் தமிழக அரசு அதிகாரிகளின் நடவடிக்கைகளால் அவர்களின் மூலம் எமக்கு நியாயம் கிடைக்கும், எமது உயிருக்கும் , உடமைகளுக்கும் பாதுகாப்பு கிடைக்கும், எமது வாழ்வாதாரம் பாதுகாக்கப்படும் என்று எதிர்பார்ப்பதில் பொருள் இருப்பதாக நாங்கள் கருதவில்லை.

தினசரி பத்திரிக்கையில் மக்களின் போராட்ட செய்திகள் link

http://www.dailythanthi.com/News/Districts/2014/09/19011132/Trucks-prison-The-villagers-caught-Vehicles-struggle.vpf

http://www.dailythanthi.com/News/Districts/2014/09/15021506/Virudhagireeswarar-near-paravalur-farmers-in-the-sand.vpf

http://www.dailythanthi.com/News/Districts/2014/09/20210820/The-fight-against-sand-quarrying.vpf

தந்தி தொலைக்காட்சி அவணப்படம்( உத்தரகாண்ட் மாநிலம்)

Monday, 13 October 2014

ஜெயாவுக்கான தண்டனை ஊழலுக்கு அல்ல; ஆணவத்திற்கு….

செப்- 27 கர்நாடக மாநிலம் பரப்பன அக்ரஹாராவில் ஜெயா சொத்துக்குவிப்பு வழக்கில் சிறப்பு நீதிமன்ற நீதிபதி மைக்கேல் ஜான் டி குன்கா அளித்த தீர்ப்பு இந்தியா முழுக்கவே பலமான அதிர்வலைகளை ஏற்படுத்தியது.இதுவரை இந்திய வரலாற்றில் பொருப்பில் இருந்த முதல்வர் ஒருவர் ஊழல் வழக்கில் சிறை தண்டனை பெற்றிருப்பது இதுவே முதல்முறை. அதிலும் இந்திய மாநிலங்களிலேயே வேறு எவரும் கற்பனையிலும் கூட நினைத்துப்பார்க்க முடியாத வல்லமை மிக்கவர் என்று அவரும், அவரின் கட்சியினராலும் கருதப்படுபட்டவருக்கு நான்கு ஆண்டுகால சிறை தண்டனை!

ஜெய சர்வ வல்லமை மிக்கவர் என கருதிக்கொண்டதில் ஏதேனும் பொருள் உண்டா இல்லையா என்பதை செப்-27-க்கு பின்னர் தமிழகத்தில் ஜெயாவின் அமைச்சரவை சகாக்களும், அவரின் கட்சியினரும் வெளிப்படுத்திய உணர்வுகளிலிருந்தே நாம் கணிக்க முடியும்.

ஜெயாவை சகல வல்லமை மிக்க கட்சித்தலைவராக, முதல்வராக மட்டுமல்ல, அவரின் சகாக்கள் அவரை சகல வல்லமை மிக்க கடவுளாகவும் சித்தரித்ததை தமிழகம் மற்றும் கர்நாடகத்தில் அவரின் கட்சியினர் செய்துக் காட்டிய செயல்களில் இருந்தே நாம் உணர்ந்து கொள்ள முடிந்தது.இந்த உணர்விலேயே 1990- களுக்கு பின்னர் ஏறத்தாழ கால் நூற்றாண்டு காலம் வாழ்ந்த ஜெயாவுக்கும், அவரது சகாக்களுக்கும் இந்தத் தீர்ப்பு நம்பமுடியாததாக, தமது கால் நூற்றாண்டு கால இனியக் கனவு கலைந்து போன அதிர்வலைகள் அவர்களிடமிருந்து வெளிப்பட்டதில்,வெளிப்படுவதில் வியப்பேதும் இல்லை.

ஜெயாவின் இந்தப் பெரும்கனவுக்கும், இதனால் ஏற்பட்ட விளைவுகளுக்கும் அவரின் கட்சிகாரர்களுக்கு மட்டுமே பங்கிருப்பதாக நாம் கருதிவிடமுடியாது,கூடாது. அவரை சகல வல்லமை மிக்க தலைவராக மட்டுமல்ல கடவுளாகவும் உசுப்பேற்றி விட்டதில், அவருக்கு வாக்களித்த தமிழக பெருங்குடி மக்களுக்குத்தான் மிகமுக்கிய பங்கிருக்கிறது.

அவர் திரைப்பட நடிகையாக இருந்து, அதன்மூலம் எம்.ஜி.ஆரின் மனம் கவர்ந்தவராக ,கட்சியின் பொதுச்செயலாளராக, அவரின் வாரிசாக 1991-ல் ஆட்சிக்கட்டிலை பிடித்த போதே, அவரை தமிழகத்தின் முதல்வராக தேர்ந்தெடுத்த போதே தமிழ்ச்சமூகம் தனது தரத்தை வெளிப்படுத்திக் கொண்டது.

சமூக அக்கறையோ,அரசியல் ஈடுபாடோ இவைகளில் எவ்வித அனுபவமோ அற்ற ஒருவர் எம்.ஜி.ஆரின் நம்பிக்கைக்கு உரியவர் அதிலும் ஆசைநாயகி என்கிற சமூகத்தால் இழிவாக சித்தரிக்கப்படும் நிலையில் இருந்த ஒருவரை தமிழக முதல்வராக இரண்டாவது முறையாகவும் தெரிவு செய்த தமிழ்ச் சமூகத்தின் செயல்பாடுதான், அவர் தன்னை சகல சக்திமிக்கவராக, நிலவுகிற சமூகத்தின் சட்டம்,அரசு இயந்திரம்,நீதிமன்றம்,பாராளுமன்றம்,சட்டமன்றம் இன்னபிற ….. இவை எதுவுமே தன்னைவிட உயர்ந்தது அல்ல.இவைகள் அனைத்தும் தனக்கு கீழ்பட்டவையே . இந்த அமைப்புகள் எதுவும் தன்னை எதுவும் செய்துவிடமுடியாது என்ற ஆணவமே அவறை மிக அப்பட்டமான தவறுகளை கூட எவ்வித ஒளிவும்,மறைவும் இன்றி அனைத்தையும் மிக வெளிப்படையாக செய்ய வைத்தது.

ஜெயாவின் கட்சியினர் மட்டுமல்ல , அரசு அதிகாரிகள் கூட அவர் நினைத்த போதெல்லாம் பந்தாடப்பட்டனர்.அவரின் அபிமானத்தை, நம்பிக்கையை பெறுவதற்கான விசுவாசத்தின் அளவுகோல் என்னவென்று தெரியாமல் அமைச்சர் பெருமக்களும், அதிகாரிகளும் நித்தம்,நித்தம் ஆடித்தான் போயினர்.அந்த அளவுகோலை இலக்கண சுத்தமாக அறிந்த சிந்தாந்தவாதி இந்தியாவில் சோ மட்டுமே என்றால், அதன் வடிவ அடையாளம் தற்போதைய முதல்வர் மட்டுமே.

ஜெயாவிற்கு சட்டவிரோதமாக வந்த பணத்தை சட்டபூர்வமாக்கும் செயல் படாத பங்குதாரர்களாக 1990- களில் சசிகலா,இளவரசி,சுதாகரன் என்றால் இப்போதைய செயல்படும் பங்குதாரர் OPS.இந்த உண்மையும் ஒரு காலத்தில் வெளிச்சத்திற்கு வரும்……..

தானே சகலத்திலும் வல்லமை மிக்கவர் என்ற ஜெயாவின் ஆணவமே அவரின் தவறுகளுக்கான மூலமாகவும்,தண்டனைக்கான காரணியாகவும் அமைந்துவிட்டது.இந்த உண்மை பெங்களுர் சிறப்பு நீதிமன்ற நீதிபதியின் தீர்ப்பிலேயே உள்ளடங்கியிருப்பதை நாம் தெளிவாக காண முடியும்.

1.ஜெயா முதல்வராக 1991- ல் பதவியேற்ற போது அவரின் சொத்துமதிப்பு 2 கோடியே 1 லட்சத்து 83 ஆயிரத்து 965 –க இருந்தது.

அதுவே 1996- ல் பதவி காலத்தின் முடிவில் அவரது சொத்து மதிப்பு ரூ.53 கோடியே 60 லட்சத்து 49 ஆயிரத்து 954 – ஆக உயர்ந்துவிட்டிருந்தது.

2.இந்த சொத்துமதிப்பு உயர்வுக்கான வருமானம் தனக்கு சரியான வழியில்தான் வந்தது என்பதை ஜெயாவால் நீதிமன்றத்தில் எந்த நிலையிலும் நிரூபிக்கவே இயலவில்லை.மாறாக அவைகள் தவறான வழியில்தான் வந்தது என்பதற்கான ஆதாரங்களை மிகத்தெளிவாக எவ்வித குழப்பமோ ,ஒளிவு மறைவோ இன்றி வெளிப்படையாக வைத்திருந்தார்.அந்த அளவிற்கு ஆணவம் அவரின் கண்களை மறைத்திருந்தது.

3.அதே போன்று தனது வீட்டில் வைத்திருந்த 27.588 கிலோ தங்க நகையில் வருவாய்க்கு பொருந்தாத வகையில் 20 கிலோ தங்கத்திற்கு அவரால் கணக்கேதும் காட்ட இயலவில்லை.

இப்படி அவரின் ஒளிவு, மறைவற்ற மிகவும் துணிச்சலான தவறுகளின் பட்டியலை அடிக்கிக் கொண்டே போகலாம்,

சட்டத்திற்குட்பட்ட,சமூக நியதிகளுக்கு உட்பட்டவராக தன்னை ஜெயா கருதியிருந்தால் 1 ஏக்கர் விளைநிலத்தை 10 ஆயிரம் ரூபாய்க்கும் , 900 ஏக்கர் தேயிலை தோட்டத்தை வெறுமனே ரூ.7 கோடியே 50 லட்சத்துக்கும் வாங்கியதாக சட்டபூர்வமாகவே பதிவு செய்திருப்பாரா?

எனவேதான் அவர் தனது ஆணவத்திற்கு கொடுத்த விலைதான் ஊழல் வழக்கில் அவர் அடைந்த இந்த சிறை தண்டனை.

ஆனால் அவரின் கட்சிக்காரர்களோ இன்னமும் அவரை உசுப்பேற்றும் அனைத்து நடவடிக்கைகளிலும் ஈடுபட்டுவருகின்றனர்.

பரப்பன அக்ரஹாரா சிறைக்கு வெளியே மொட்டையடித்து, தேங்காய் உடைத்து………………………..

அல்லாகு அக்பர்- அல்லாவே அனைத்திலும் பெரியவர் என்ற திருக்குரானின் புனித வாசகத்தை அவரின் கட்சியில் உள்ள சில கழிசடைகள் சிறைவளாகத்தில் ஓதுகின்றன. அதாவது ஜெயாவே அல்லாவிலும் பெரியவர் என்று……….

கடந்த பதினைந்து நாட்களுக்கும் மேலாக தாங்களே தமிழகத்தின் ஆட்சியாளர்கள் என்பதை மறந்து சட்டத்திற்கு விரோதமாக அவர்கள் ஆடியக்கூத்துக்களை நாம் அனைவரும் அறிந்ததுதான்.

ஜெயா சகாக்களின் இந்த ஆட்டங்களும் ,கூத்துக்களும் எதிர்பாரா நிகழ்வுகள் அல்ல.பொய்வழக்கு, வேறு யாரும் ஊழல் செய்யவில்லையா,கருணாநிதி குடும்பம் ஊழல் செய்யவில்லையா போன்றக் கேள்விகள் அவர்கள் கேட்காமல் இருந்திருந்தால் மட்டுமே நாம் அதிசயப்பட வேண்டும்.

ஆனால் பிரச்சனையே தம்மை முற்போக்குகள் , புரட்சியாளர்கள் என்றுக் கருதிக் கொள்வோர் ஜெயா மீதான தீர்ப்பு பற்றியும் அதற்கான காரணம் பற்றியும் ஊதிப்பெருக்கி காட்டுவதுதான்!

ஜெயா சொத்துக்குவிப்பு வழக்கின் எழுத்துப்பூர்வ ஆதாரங்களை ஒரு வக்கீல் குமாஸ்தாவோ (அ) முதலாமாண்டு சட்டகல்லூரி மாணவரோ படித்தால் கூட மிக எளிமையாக இவ்வழக்கில் தீர்ப்பு சொல்லிவிட முடியும்.பதினெட்டு ஆண்டுகள் இழுத்தடிக்கப்பட்டாலும் மிகச்சாதாரண வழக்கு இது என்பதை ஒரு பாமரன் கூட சொல்லிவிட முடியும்.ஆனால் இவர்களோ இந்த தீர்ப்புக்கு பின்னால் பெரும் பூகம்பங்கள் ஒளிந்திருப்பதாக சரடு விடுகின்றனர்.தமது பங்குக்கு இவர்களும் ஜெயாவை அசகாய சூரராக ஊதிப்பெருக்கிக் காட்டி ஆனந்த மடைகின்றனர்..

அரசியல் பழிவாங்கல்,கார்ப்பரேட்டுகளின் சதி,காங்கிரசின் சதி,கருணாநிதியின் சதி,பாஜக விடம் மோதியதின் எதிர் விளைவு ………………. போன்ற வெளிப்படுத்தல்களின் மூலம் இவர்கள் தம்முடைய மேதாவித்தனத்தை காட்டுவதாக கருதிக்கொள்கினறார்கள்.

எது எப்படியோ இவ்வளவு கலேபரத்திலும் இவர்கள் ஜெயாவும், அவரை சார்ந்தோரும் அனைவரும் தம்மையே அறிந்தும்,அறியாமலும் ஒரு உண்மையை வெளிப்படுத்திக் கொண்டே இருக்கின்றனர்.

இந்தியாவில் அரசு இயந்திரத்தின் ஒவ்வொரு அங்கமும் நிர்வாக எய்ட்ஸ் நோயான லஞ்சம்-ஊழலால் பாதிப்பிற்குள்ளாகிவிட்டதைப் போன்றே நீதித்துறையும் ஆகிவிட்டுள்ளது.

ஆயிரமாயிரம் தமது குற்றவழக்குகளில் நீதித்துறையை விலைக்கு வாங்கியதை போன்றே இந்த வழக்கிலும் அதை விலைக்கு வாங்கிவிடலாம்,மிரட்டி பணிய வைத்துவிடலாம் என்ற அவர்களின் கணக்குத்தான் தவறாகிப் போனது.இதுதான் இவர்களை ஆத்திரம் கொள்ள வைக்கிறது.

நீதிபதி குன்கா வளைந்து கொடுக்காத நேர்மையாளராக கூட இருக்கலாம்,இப்படியும் சிலர் இருக்கவே செய்கிறார்கள்.ஆனால் ஒட்டுமொத்த நீதித்துறை என்ற வகையில் ஒப்பிட்டு பார்க்கும்போது சாராயம் காய்ச்ச அனுமதி தந்துவிட்டு அதற்கு மாமுலும் வாங்கும் போலிசு,சில நேரங்களில் கள்ளச்சாராய கும்பலை பிடித்ததாக கூறி பரப்பரப்பாக ஊடகங்களுக்கு செய்தி தரும் நடவடிக்கைக்கு எந்த வகையிலும் குறைந்ததல்ல சிறப்பு நீதிமன்றத்தின் இந்தத் தீர்ப்பு!.

Monday, 30 June 2014

தமிழகத்தின் ஆம் ஆத்மி மகஇக குழுமம்!

கோடை விடுமுறை முடிந்து பள்ளிகள் திறப்பதற்கு முன்பும்,பின்பும் தனியார் ஆங்கிலப்பள்ளிகளின் விளம்பரங்கள் தொலைக்காட்சிகளிலும் ,நகரங்கள்,கிராமங்கள் வரை ஒவ்வொரு சந்து,பொந்துகளிலும் நமது கண்களும்,செவிப்பறைகளும் கிழிபடும் அளவுக்கு கொட்டிக்கிடக்கின்றன.இந்தக் களேபரங்கள் ,சந்தைக் கூச்சல்களுக்கிடையே இவைகளுக்கு எதிரான சில குரல்களும் கேட்கத்தான் செய்கிறது.

அந்த வகையில் கடந்த 07.06.2014 அன்று கடலூர் மாவட்டம் விருத்தாசலம் நகரில் கல்வி தனியார் மய எதிர்ப்பு மாநாட்டை, மகஇக குழுமத்தின் ஓர் அங்கமான மனித உரிமை பாதுகாப்பு மையம் நடத்தியது.இதனோடு கடந்த மாதம் விருத்தாசலம் வட்டாரத்தில் உள்ள பல கிராமங்களில் தமிழ் வழியில் பிள்ளைகளை படிக்க வையுங்கள் என்ற பிரச்சாரத்தையும் நடத்தியுள்ளனர். இதைப்பற்றியச் செய்தியை இக்குழும இணையதளமான வினவு கடந்த 11.04.2014 அன்று வெளியிட்டுள்ளது.

தமிழ்வழிகல்வியின் அவசியத்தையும், கல்வியில் தனியார்மயத்தை எதிர்த்தும் பிரச்சாரம் செய்யும் மகஇக குழுமம் தமது குழும உறுப்பினர்களின் குடும்ப பிள்ளைகளை தனியார் ஆங்கிலப்பள்ளிகளில் படிக்க வைப்பதை அம்பலப்படுத்தி, ”தமிழ்வழிக்கல்வியும் மகஇகவுக்கு பிழைப்புக்கான சாதனமே! “ என்றக் கட்டுரையை கீற்று மற்றும் சூறாவளி இணையதளத்தில் நாங்கள் வெளியிட்டிருந்தோம்.

அவர்களின் கல்வி தனியார் எதிர்ப்பு மாநாட்டிற்கு பிறகாவது தமது பிள்ளைகளை அவர்கள் அரசுப்பள்ளிகளில், தமிழ்வழியில் படிக்க வைப்பார்கள் என்று நாங்கள் நம்பினோம்.

எம்மைப் போன்றவர்களின் எதிர்பார்ப்பை பூர்த்தி செய்வதைப் போன்ற தோற்றத்தை ஏற்படுத்தும் வகையில் கல்வி தனியார்மய எதிர்ப்பு மாநாட்டு செய்தியை வினவு இணையதளம் கடந்த 11.06.2014 அன்று கல்வி உரிமை மாநாடு சாதித்தது என்ன? என்றத் தலைப்பில் ஆரவாரமாக வெளியிட்டுள்ளது.

அதில் தங்கள் அமைப்பை சேர்ந்த நிர்வாகிகள் தனியார் ஆங்கிலப்பள்ளிகளில் இருந்து தமது பிள்ளைகளை அரசுப்பள்ளியில், அரசு உதவிபெறும் பள்ளியில் சேர்த்துள்ளதாகவும் , இதுவே மாநாட்டிற்கு கிடைத்த வெற்றியாகவும் குறிப்பிட்டுள்ளனர்.

இதனோடு இவ்வமைப்பினர் மாநாட்டிற்காக வெளியிட்ட துண்டு பிரசுரம் தோற்றத்தில் விஞ்ஞான பூர்வமாகவும்,உணர்ச்சி பூர்வமாகவும் அமைந்திருந்தது.

· “அரசுப்பள்ளிக்காக போராடாமல் விட்டில் பூச்சிகளாய் தனியார் பள்ளிகளை நாடுவது ஏன்?”

· “ காசுக்கான வேசியும், கட்டிய மனைவியும் ஒன்றா? அரசுப்பள்ளிகளோடு கட்டண கொள்ளையடிக்கும் தனியார் பள்ளிகளை ஒப்பிடுவதா?”

· ” ஆங்கில வழியில் படித்துவிட்டா திருவள்ளுவர் 1330 குறல் படைத்தார்?”

ஆகிய முழக்கங்கள் அனைவரையும் ஈர்க்கக் கூடியதாக அமைந்திருந்தது .

இவர்களின் கல்வி தனியார்மய எதிர்ப்பு, தாய்மொழிக் கல்வியின் அவசியம் குறித்த பிரச்சாரத்தை கேட்டு எத்துனை பெற்றோர்கள் தமது பிள்ளைகளை அரசுப்பள்ளிகளில் தாய்மொழியில் படிக்க வைக்கப் போகிறார்கள் என்பதற்கு ஆதாரம் ஏதுமில்லை என்பதை வினவு கட்டுரையை பார்க்கும் போதே நமக்கும் புலப்படுகிறது.

மாநாடு, பேரணி , பொதுக்கூட்டங்கள் ஆகியவற்றை நடத்துவதால் மட்டுமே தாய்மொழிக் கல்வியின் அவசியத்தை மக்களிடையே உணர்த்திவிட முடியும் என்கிற அளவிற்கு நமது சமூகம் விழிப்புணர்வு படைத்த சமூகம் அல்ல.

சமூகத்தில் – பொருளாதாரத்தில் மேல்நிலையில், மேல்சாதியில் உள்ளவர்கள் எதை கடைபிடிக்கிறார்களோ அதை, அது சரியா? தவறா? என்பதை பற்றியெல்லாம் சிறிதும் கவலைப்படாமல், அதை அப்படியே பின்பற்றுவதுதான் வாழ்வில் முன்னேறுவதற்கான சிறந்த பாதை எனக் கருதும் சமூகம் இது.

ஒரு காலத்தில் கல்வி மற்றும் மனிதர்களின் அடிப்படை உரிமைகளை வர்ணதர்மத்தின் மூலமாக சமூகத்தின் பெரும்பான்மை மக்களுக்கு எட்டாக்கனியாக்கி வைத்திருந்தனர்.ஆயிரமாயிரம் ஆண்டுகளாக யார் இந்த நிலைக்கு தம்மை ஆளாக்கி வைத்திருந்தனரோ அவர்கள் கடைபிடித்த வாழ்வியல் முறையை அடைவதும்,பின்பற்றுவதுமே தமது வாழ்வின் இலக்காக கொண்டுள்ளவர்களை பெரும்பான்மையாக கொண்ட சமூகம் இது.

வர்ண தர்மத்தால் இன்றளவும் நசுக்கப்படுகிற தாழ்த்தப்பட்ட மக்களின் வாழ்வியல் இலக்கும் பார்ப்பனியமே ஆகும்.

இதன் தவிர்க்கவியலாத அங்கம்தான் ஆங்கில கல்வி மோகம். சமூகத்தில் கேடுகெட்ட சிந்தனாமுறையை தூண்டிவிடும், இதன்மூலம் வர்ணாசிரம வாழ்வியலை காலத்திற்கு ஏற்ப உயர்த்தி பிடிப்பவைகள்தான் தனியார் ஆங்கிலப்பள்ளிகள்.

அன்று கல்வியையே தர மறுத்ததும், இன்று ஆங்கில மோகத்தை ஊட்டுவதும் ஒரே நோக்கத்திற்காகத்தான் . சமூகத்தின் மேல்நிலையில் உள்ளவர்கள் தமது சுகமான சுகவாழ்வை தக்க வைத்துக்கொள்வதுதான் அது.

எனவேதான் இவைகளைக்கு எதிராக போராடுபவர்கள், வெறுமனே வாய்வீச்சாளர்களாக இருந்தால் மட்டும் போதாது. அவர்கள் தாம் பிறர்க்கு உபதேசிப்பதை தமது சொந்த வாழ்விலும் கடைபிடிக்க வேண்டும்.தந்தை பெரியாரும், அண்ணல் அம்பேத்கரும் தாம் சமூகத்திற்கு எதை போதித்தார்களோ அதை தமது வாழ்விலும் கடைபிடித்தனர்.அதனால் தான் இன்றுவரை அவர்கள் நமது வாழ்வின் வழிகாட்டிகளாக திகழ்கிறார்கள்.

தந்தை பெரியாரும், அண்ணல் அம்பேத்கரும் எதை மக்களுக்கு போதித்தனரோ, எதற்கு எதிராக தமது வாழ் நாள் முழுக்க போரிட்டனரோ அவைகளை அவர்களின் வாரிசுகளாக இன்றைய நிலையில் தம்மை கூறிக்கொள்வோர், அவற்றை தமது வாழ்வில் கடைபிடிக்காமல் மேடைக்கு ஒன்றும் , குடும்பத்தில் வேறொன்றுமாக இரட்டை வாழ்க்கை வாழ்வதால் பார்ப்பனிய சக்திகள் இப்போதைய நிலையில் வலிமைப்பெற்று வருகின்றன.

கல்வி தனியார் மயத்தை எதிர்த்தும், தாய்மொழிக்கல்வியின் அவசியத்தை வலியுறுத்தியும் விண்ணுக்கும் , மண்ணுக்கும் எகிறிக்குதிக்கும் மகஇக குழும உறுப்பினர்களோ, அவற்றை தமது வாழ்வில் பின்பற்றுவதில்லை என்பது விருதை மாநாட்டுக்கு முன்பு மட்டுமல்ல, மாநாட்டிற்கு பின்பும் மாறாத உண்மையாய் இருப்பதால் இம்மாநாடு தாய்மொழிக்கல்வியின் நலன்களுக்கு எதிராகவே அமையும் என்பதை வரலாறு நிரூபிக்கும்.

விருதை மாநாட்டின் சாதனையாக தமது அமைப்பின் நிர்வாகிகள் அரசுப்பள்ளியில், அரசு நிதி உதவி பெறும் பள்ளியில், தமிழ் வழியில் தமது பிள்ளைகளை சேர்த்திருப்பதாக அப்பட்டமாக புளுகியிருக்கிறது வினவு.

மகஇக குழும நிர்வாகிகளில் மனித உரிமை பாதுகாப்பு மையத்தின் மாநில ஒருங்கிணைப்பாளர் வழக்கறிஞர் ராஜி, மாணவர்களின் கல்வி உரிமைக்கான பெற்றோர்கள் சங்கத்தின் செயலர் செந்தாமரை கந்தன் ஆகிய இருவரும் தமது பிள்ளைகளை தனியார் ஆங்கிலப்பள்ளியில் இருந்து அரசு உதவி பெறும் டேனிஷ் மிஷன் என்ற அரசு உதவி பெறும் பள்ளிக்கு மாற்றியிருக்கிறார்கள் என்பது உண்மைதான்.இதன் மூலம் தாங்கள் எப்படிப்பட்ட பித்தலாட்டக்காரர்கள் என்பதை அவர்கள் நிரூபித்துள்ளனர்.

டேனிஷ் மிஷன் என்ற அரசு உதவிபெறும் பள்ளி தமிழ்வழியில் பயிலும் மாணவர்களைக் கொண்டது மட்டுமல்ல, அதே வளாகத்தில், அதே நிர்வாகத்தின் கீழ் அரசு உதவி பெறாத ஆங்கில வழி தனியார் பள்ளியும் செயல்படுகிறது. மகஇக குழும உறுப்பினர்கள் தமது பிள்ளைகளை ஆங்கிலவழி பிரிவில்தான் சேர்த்துள்ளனர். இவர்களின் ஏனைய நிர்வாகிகளோ தமது பிள்ளைகளை சென்ற ஆண்டைப் போன்றே நடப்பாண்டிலும் தனியார் ஆங்கிலப்பள்ளிகளில் தான் படிப்பை தொடரவைத்துள்ளார்கள்.

அரசுப்பள்ளியில், தாய்மொழியில் பிள்ளைகளை படிக்க வையுங்கள் என்று ஊருக்கு உபதேசிப்பதை தமது வாழ்வில் கடைபிடிக்காதது மட்டுமல்ல, தனியார் ஆங்கில பள்ளியில் இருந்து அரசு உதவி பெறும் பள்ளி என்ற போர்வையில் ஆங்கில வழியிலேயே தமது பிள்ளைகளை சேர்த்துவிட்டு சமூகத்தை ஏய்க்கும் செயலைச் சிறிதும் உறுத்தல் இன்றி செய்துள்ளனர். இவர்களின் இந்த செயல் இழிவும், கேவலமும் நிறைந்ததாகும்.

ஊருக்கு உபதேசிப்பதை தமது வாழ்வில் கடைபிடிக்காதவர்கள் இழிவான இச்சமூக அமைப்பை பாதுகாக்கும் பிழைப்புவாதிகள் என்பதுதான் எமது நிலைபாடு.

தமது பிள்ளைகளை தாய்மொழியில் , அரசுப்பள்ளிகளில் படிக்க வைக்காத இவர்களின் பிரச்சாரம் நடைமுறைக்கானது அல்ல. அது இவர்களின் பிழைப்புக்கானதே ஆகும்.

தாம் சொல்வதற்கு நேர்மையாக நடந்து கொள்ளாத இரட்டை வேடதாரிகளான இவர்களை பார்த்து எவரும் அரசுப்பள்ளிகளில் , தாய்மொழியில் தமது பிள்ளைகளை சேர்க்கப்போவதில்லை.

இவர்கள் மட்டுமல்ல இவர்களின் மாநாட்டில் கலந்து கொண்டு உரையாற்றிய பெரும்பான்மையினரும் தமது வாரிசுகளை தனியார் ஆங்கிலப்பள்ளிகளில் படிக்க வைப்பவர்களாத்தான் உள்ளனர்.

நிலவுகிற சமூகத்தில் ஆட்சியாளர்களுக்கு தேவையான பொய், பித்தலாட்டம், நேர்மையின்மை உட்பட அனைத்து அவசியமான திறமைகளையும் தாங்கள் எட்டிப்பிடித்துவிட்டோம் என்பதை இம்மாநாட்டின் மூலம் சமூகத்திற்கு இவர்கள் உணர்த்தியுள்ளனர். எனவே இவர்கள் விரைவிலேயே பெரும் திரளினராக பொங்கி பெருகி தமிழகத்தின் ஆம் ஆத்மியாக ஆட்சியை கைப்பற்றவும் கூடும்…..!

தொடர்புடைய கட்டுரைகள்:

1. காயடிக்கும் கட்சி

2.சமச்சீர் கல்வி....! கார்ப்ரேட் மூலதனத்தின் தேவையை மறுக்கும் பார்ப்பன கும்பலுக்கு விழுந்த அடி

3.சமச்சீர்கல்வி:முரண்பாடுகளின் மூட்டையாகிப்போனது வினவும் அதன் தோழமை அமைப்புகளும்-1

4.சமச்சீர்கல்வி:முரண்பாடுகளின் மூட்டையாகிப்போனது வினவும் அதன் தோழமை அமைப்புகளும் -2

5 வினவின் ரசிகர்கள் யார்? தோழர் ரெட்மீரா அவர்களுக்கான எமது பதில்.

6.சமச்சீர்கல்வி முரண்பாடுகளின் மூட்டையாகிப்போனது வினவும் அதன் தோழமை அமைப்புகளும் -3

7.முரண்பாடுகளின் மூட்டையாகிப் போனது வினவும் அதன் தோழமை அமைப்புகளும்-4

8.சமச்சீர்கல்வி: புஜ+புக+வினவு=கலவை சித்தாந்தம்

9.இன்னமும் இங்கதான் புடுங்கினுக்கிறாரா?

10.தவளை தன் வாயால் கெடும் ...!

11. சகோதர முறை திருமணங்கள் : தனி மனித உரிமையா? பாலியல் சீரழிவா?

12. அக்காவையும், தங்கச்சியையும் கட்டிக்கலாங்கிற, மகஇக காரன பார்த்தா கேளுங்க..

-சூறாவளி ,தமிழ்நாடு.

தொடர்பு எண்:9842529188.

Monday, 21 April 2014

தமிழ்வழிக் கல்வியும் மகஇக‍வுக்கு பிழைப்புக்கான சாதனமே!

முலாயம் சிங் யாதவ் …. இவர் சமஜ்வாடி கட்சியின் தலைவர்.உத்திரபிரதேச முன்னால் முதல்வர்,இந்நாள் முதல்வர் அகிலேஷ் யாதவின் தந்தை.அண்மையில் இவர் தேர்தல் பொதுக்கூட்டம் ஒன்றில் பேசும்போது “ பாலியல் பலாத்காரத்தில் ஈடுபடுவது இளைஞர்களின் இயல்பு .இதற்காக அவர்களுக்கு மரணதண்டனை விதிப்பது தவறு”, என்று பேசியுள்ளார்!

இப்படி அவர் பேசியது இந்தியா முழுக்க உள்ள ஜனநாயக உணர்வு படைத்தவர்களை அதிர்ச்சிக்குள்ளாக்கியது. முலாயம் சிங்கின் கருத்து ஆணாதிக்க நிலையிலிருந்து சொல்லப்பட்டதாக விமர்சித்தனர். இப்படி விமர்சித்தவர்களில் உண்மையிலேயே ஜனநாயக உணர்வு படைத்தவர்கள் மட்டுமல்ல போலிகளும் அடங்குவர். ஒட்டுமொத்தத்தில் இப்போலிகள் முலாயம் சிங்கின் சிந்தானா முறையில் இருந்து வேறுபட்டவர்கள் இல்லை.இவர்களுக்கிடையே இப்படிப்பட்ட ஜனநாயக விரோத கருத்துகளை வெளிப்படுத்தும் வடிவங்களில்தான் வேறுபாடு உள்ளது.

இப்போதுமட்டுமல்ல எப்போதுமே முலாயம் சிங் அனைத்து வகையான பிற்போக்குத்தனங்களின் பிரதிநிதி என்றாலும் அவர் இதை இப்போது , இவ்வளவு வெளிப்படையாக வெளிப்படுத்த வேண்டிய தேவையும், அவசியமும் என்ன வந்தது என்பதை புரிந்து கொண்டால்தான் முலாயமின் கருத்தை விமர்சித்தவர்களில் போலிகள் மற்றும் உணமையான ஜனநாயக உணர்வுள்ளோரின் நோக்கத்தை நம்மால் விளங்கிக்கொள்ள முடியும்.

இந்திய நாடாளுமன்றத்துக்கான 16- வது தேர்தல் நடைபெறும் போது இப்படியான அப்பட்டமான ஜனநாயக விரோத கருத்தை ஒருவர் வெளிப்படையாக கூறமுடிகிறது என்றால், இந்த நாடு எப்படிப்பட்ட ஜனநாயக அடிப்படையை கொண்டது என்பதை வெளிப்படுத்துவதற்கான சிறந்த சான்றாகும்.உண்மையில் முலாயமின் கருத்து தேர்தலில் வெற்றி பெறுவதை நோக்கமாக கொண்டது.இப்படியான கருத்துகள் தமக்கு தோல்வியை தந்துவிடும் என்று அவர் கருதியிருந்தால் ஒருபோதும் அப்படி பேசியிருக்க மாட்டார்.முற்போக்கை பேசுகிறோமா, இல்லை பிற்போக்கை பேசுகிறோமா என்பது முக்கியமில்லை. எதை பேசினாலும் வெற்றி என்பதே தேர்தலின் இலக்காகும். அந்த வகையில் ஆணாதிக்க கருத்துடையவர்களின் அதிலும் ஹார்மோன் செயல்பாட்டின் ஆதிக்கத்தில் உள்ள இளைஞர்களின் வாக்குகளை கவர்வதே அவரின் தந்திரம்.இந்த வகையில் அவர், தான் பிற்போக்குவாதி என்பதை சிறிதும் மறைக்கவில்லை. முழுப்பொய்யை விட, அரை உண்மை ஆபத்தானது என்பதை போன்று வெளிப்படையான பிற்போக்குத்தனத்தை விட, போலித்தனம் மிகப்பெரிய ஆபத்தானதாகும். இவையிரண்டும் ஒரு நாணயத்தின் இரு பக்கங்கள்.

இந்தியாவில் எப்போதும் பிற்போக்குத் தனத்தை விட, போலியான முற்போக்குத்தனந்தான் மிகப்பெரிய அபாயமாக உள்ளது. இந்தப் போலித்தனம் இந்திய சமூகத்தின் சாரமாக விளங்குகிறது. எங்கும், எதிலும் நிறைந்து காணப்படுகிறது. அதுவன்றி இங்கு ஒர் அணுவும் அசைவதில்லை.

கடந்த 11.04.2014 அன்று கடலூர் மாவட்டம், விருத்தாசலம் வட்டம் ஆலிசிச்குடி என்ற கிராமத்தில் உள்ள அரசுப்பள்ளி ஒன்றில் ஆண்டுவிழா நடைபெற்றது. இந்த ஆண்டு விழாவை நேரில் பார்த்த அனைவரும் அரசுப்பள்ளியில் அதிலும் தமிழ்வழியில் படிக்கும் மாணவர்களுக்கு இப்படியும் திறமைகள் உண்டா என்று வியக்கும் அளவுக்கு, அதிலும் அம்மாணவர்களின் பெற்றோர்கள் கூட தன்னுடைய பிள்ளைகளிடமா இப்படிபட்ட திறமை இருக்கிறது என்று வியக்கும் அளவுக்கு அந்த ஆண்டு விழா அமைந்திருந்தது.

பன்னிரண்டு நடன நிகழ்ச்சிகள், அரசுப்பள்ளியா, தனியார் பள்ளியா என்ற பட்டிமன்றம், பாட்டுக் கச்சேரி , தமிழ்,ஆங்கிலம் ஆகிய இரு மொழிகளிலும் நாடகங்கள் ஆகியவற்றை மாணவர்கள் நிகழ்த்தினர்.

மாணவர்களின் கல்வித்தரத்தை உயர்த்த ஆசிரியர்களின் திறமை,பொருப்புணர்ச்சி மட்டுமே போதுமானதல்ல பெற்றோர்களின் பங்களிப்பும் அவசியம் என்பதை வலியுறுத்தும் மறுபக்கம் என்ற குறும்படம் ஒன்றையும் இப்பள்ளியின் ஆசிரியர்களே தயாரித்து திரையிட்டும் காட்டியது காண்போரை மெய்சிலிர்க்க வைத்தது.

இப்பள்ளி மாணவர்களிடையே உள்ள திறமையை இப்படிபட்ட கலைநிகழ்ச்சிகளின் மூலமாக மட்டுமல்ல கல்வித்தரத்திலும் வெளிக்கொணர்ந்துள்ளனர் இப்பள்ளியின் ஆசிரியர்கள்.உண்மையில் இப்பள்ளி ஆசிரியர்கள் அரசுப்பள்ளி ஆசிரியர்கள் தானா என வியக்கும் அளவுக்கு அவர்களின் ஆற்றல் அமைந்துள்ளது.

தனது குழந்தையை தனியார் ஆங்கிலப்பள்ளியில்தான் சேர்ப்போம் என்று பிடிவாதம் பிடித்தவர்களை மட்டுமல்ல தமது பிள்ளைகளை தனியார் பள்ளியில் சேர்த்திருந்த பெற்றோர்கள் மனதையும் இந்த ஆண்டு விழா மாற்றிவிட்டது. தமது குழந்தைகளை அரசு பள்ளிகளில் சேர்ப்போம் என்று அறிவிக்கவும் செய்துள்ளது.

எத்துனை கருத்தரங்குகள் விவாதங்கள் நடத்தினாலும் ஏற்படுத்த முடியாத மாற்றத்தை ஒரு ஆண்டுவிழா செய்துகாட்டிவிட்டது. இந்த அதிசயிக்க தக்க மாற்றத்திற்கான பெருமை அனைத்தும் இப்பள்ளியின் ஆசிரியர் பெருமக்களையே சாரும்.இதற்காக அவர்களுக்கு நமது மன்மார்ந்த நன்றியை காணிக்கையாக்குவோம்.

ஆனால் இந்த ஆண்டுவிழாவில் அரசுப்பள்ளிகள் பற்றி தாங்கள் வெளிக்கொணர்ந்த கருத்துக்கள் எதுவும் தாங்களுக்கு பொருந்தாது என்றுதான் இப்பள்ளி ஆசிரியர்களின் நடைமுறையாகும். ஏனெனில் இந்த ஆசிரியர்கள் எவரும் தமது பிள்ளைகளை அரசுப்பள்ளியில் சேர்க்கவில்லை.மாறாக தனியார் பள்ளிகளில் ஆங்கில வழியில்தான் படிக்க வைக்கின்றனர்.

அடுத்து மகஇக குழுமத்தின் ஒரு நிறுவனமான வினவு இணையதளம் கடந்த 11.04.2014 அன்று அரசுப் பள்ளிகளுக்கு ஆதரவாய் விருதையில் பிரச்சாரம் என்ற தலைப்பில் இதே கடலூர் மாவட்டம் விருத்தாசலம் வட்ட கிராமங்களில் தமது குழும அமைப்புகள் செய்த பிரச்சாரம் சம்பந்தமாக ஒரு கட்டுரையை வெளியிட்டுள்ளது.

அதில் தமது குழுமத்தின் மனித உரிமை பாதுகாப்பு மையம்.புரட்சிகர மாணவர் இளைஞர் முன்னணி ஆகிய அமைப்பை சேர்ந்தவர்கள் கடலூர் மாவட்டம் விருத்தாசலம் வட்டத்திற்கு உட்பட்ட தொட்டிக்குப்பம்,பெரிய வடவாடி,சத்தியவாடி, சாத்துக்கூடல்,செம்பளக்குறிச்சி, கோமங்கலம் ஆகிய கிராமங்களில் அரசு ஊராட்சி ஒன்றியப் பள்ளிகளில் அக்கிராம மக்களிடையே அரசுப்பள்ளிகளில் பிள்ளைகளை சேர்க்க வேண்டும் என்பதை வலியுறுத்தும் விழிப்புணர்வு கூட்டங்களை நடத்தியுள்ளனர்.

இக்கூட்டங்களில் உதவி தொடக்க கல்வி அலுவலர் திரு.வீரபாண்டியன் என்பவர் கலந்து கொண்டு உரையாற்றியுள்ளார்.

அரசுப்பள்ளிகளில் , தமிழ்வழியில் படிக்க வைக்க வேண்டும் என்ற விழிப்புணர்வு கூட்டங்களை நடத்திய மகஇக குழும அமைப்புகளின் செயலை பலரும் பாராட்டுவார்கள்.இப்படி பாராட்டுவதற்கு முன்பு இன்னொன்றையும் நாம் கவனிக்க வேண்டும்.

“அரசுப்பள்ளிகளில் பிள்ளைகளை சேர்க்க வலியுறுத்தி விழிப்புணார்வு கூட்டங்களில் கலந்துகொண்ட மகஇக குழும அமைப்பின் உறுப்பினர்களான செந்தாமரை கந்தன்,வேலுமணி,வீரகாந்தி அதிலும் மனித உரிமை பாதுகாப்பு மையத்தின் மாநில ஒருங்கிணைப்பாளர் திருவாளர் வழக்கறிஞர் ராஜீ இவர்களின் அனைவரின் வீட்டுப்பிள்ளைகளும் ஆங்கில வழியில், தனியார் பள்ளிகளில்தான் தமது வாரிசுகளை படிக்க வைக்கின்றனர்.தமது பிள்ளைச் செல்வங்களின் கல்வி உரிமைக்காகத்தான் இப்பிரட்சியாளர்கள் பெற்றோர்கள் சங்கத்தை ஆரம்பித்துள்ளனர். இச்சங்கத்தின் மூலம் போராட்டம் நடத்தி தமது வாரிசுகளுக்கு கட்டணச் சலுகை வெற்றெடுத்துக் கொண்ட சாதனை புரிந்துள்ளனர்.

இப்புரட்சியாளர்கள் தமது பிள்ளைகளை தனியார் பள்ளிகளில்தான் படிக்க வைக்கின்றனர் என்ற உண்மையை சென்ற ஆண்டும் நாங்கள் அம்பலப்படுத்தியிள்ளோம்.ஆனால் அதைப்பற்றி அவர்கள் ஒரு சிறிதும் அதாவது அவர்களின் மனசாட்சி கூட அவர்களை உறுத்தவில்லை.எந்த கூச்சமும் இன்றி இந்தக் கழிசடைகள் இந்த ஆண்டும் அரசுப்பள்ளிகளில் பிள்ளைகளை சேருங்கள் என்று பிரச்சாரம் செய்ய கிளம்பி விட்டனர்.

பாலியல் பலாத்காரம் பெரிய குற்றமல்ல என்று பேசிய முலாயமின் நோக்கம் அரசியல் ஆதாயமடைவது , அதாவது அரசியல் அவரின் பிழைப்புக்கான சாதனம்.இதைப் போன்றுதான் புரட்சி , முற்போக்கு, சமூக சேவை ஆகியவை மகஇக குழுமத்தின் பிழைப்புக்கான சாதனங்கள்.இதனால்தான் இவர்களின் மனசாட்சி கூட இவர்களை உறுத்துவதில்லை. அப்படியென்று ஒன்று இருந்தால் தானே உறுத்துவதற்கு!

இந்த வகை பிழைப்புவாதத்தில் இந்தியாவிலேயே இந்தக்குழுமம்தான் முதலிடத்தில் திகழ்கிறது.அதிலும் தென்னிந்தியாவிற்கும் குறிப்பாக தமிழகத்திற்கே உரிய வடிவத்தில்.

அதாவது வட இந்தியாவில் பார்ப்பனியம் முரட்டுத்தனமானது தென்னிந்திய அதிலும் தமிழக பார்ப்பனிய வடிவமோ நாசுக்கான,நயவஞ்சகமானது, அதைப்போன்றதுதான் மகஇக குழுமத்தின் பிழைப்புவாதமும்.

இதுமட்டுமா,ஒருவனுக்கு ஒருத்தி, அண்ணன், தங்கை உறவு முறைகள் ஆகியவை நிலபிரபுத்து பிற்போக்குத் தனமாம்.அரைக்காலனி, அரை நிலப்பிரபுத்துவ நாடான இந்தியாவில் அவற்றை புரட்சியின் மூலம் இல்லாது ஒழிப்பதை இலக்காக கொண்டுள்ளார்களாம். இவர்கள்! இதனால் மேற்கண்ட நிலப்பிரபுத்துவ பண்பாட்டையும் ஒழிப்பதையும் இலக்காக கொண்டவர்களாம்.

அந்த வகையில்தான் சகோதர முறை திருமணம் செய்து கொண்டவர்களையும் பாலியல் ரீதியாக சீரழிந்தவர்களை அதிலிருந்து விடுவிப்பதற்கு மாறாக அதன்மீது பெருமைப்பட வைத்து , அதைத் தொடர ஊக்கம் தருவதன் மூலம் அவர்களை தமது ஆதரவாளர்களாக அணிதிரட்டியும் வருகிறார்கள். இப்போலிகள். உலகில் இப்படிபட்ட புரட்சியாளர்களை வேறெங்காவது காண முடியுமா?

இதன் மூலம் தமது பிழைப்புவாதத்திற்கு இவர்கள் எதையும் செய்வார்கள். அந்தவகையில்தான் அரசுப்பள்ளிகளில் உங்களின் பிள்ளைகளை சேருங்கள் என்ற இவர்களின் பிரச்சாரத்தையும் மேற்கொள்கின்றார்கள்.

இப்போது சொல்லுங்கள் மகஇக குழும அமைப்புகளின் கல்வி விழிப்புணர்வு! பிரச்சாரத்தை பாராட்டலாமா என்பதை?! இவர்களுக்கும் முலாயம் சிங் போன்றவர்களுக்கும் இடையே சாராம்சத்தில் என்ன வேறுபாடு உள்ளது என்பதை!

இந்தக் கட்டுரையில் நாங்கள் குறிப்பிட்டுள்ள அரசுப்பள்ளி ஆசிரியர்கள் தாம் சொல்வதை தமது குடும்பத்தில் நடைமுறை படுத்தவில்லை என்பதை குறிப்பிட்டுள்ளோம். ஆனால் மகஇக குழும உறுப்பினர்களின் செயலை விமர்சித்த அளவுக்கு ஆசிரியர்களின் செயலை விமர்சிக்கவில்லை என்று நீங்கள் கருதலாம்.

அரசுப்பள்ளிகளில் பிள்ளைகளை சேருங்கள் என்ற தமது பிரச்சாரத்திற்கு ஏற்ப அரசுப்பள்ளி ஆசிரியர்கள் நடந்து கொள்ளாவிட்டாலும், தாம் பணியாற்றும் பள்ளியில் உள்ள மாணவர்களின் கல்வித்தரத்தையும் ,கலைத்திறமைகளையும் வளார்த்தெடுத்து, சாதித்துக் காட்டியுள்ளனர். அரசுப்பள்ளியில் , தாய்மொழியில் கல்வி அளிப்பதன் மூலம் குழந்தைகளின் புரிதலை உயர்த்தி,பகுத்தறிவாளிகளாக பிறப்பிள்ளைகளை உயர்த்தும் அரசுப்பள்ளி ஆசிரியர்கள் தமது பிள்ளைகளுக்கு அதை அளிக்க முன்வருவதில்லை.

இதற்கான காரணம், பிள்ளைகள் பகுத்தறிவற்றவர்களாக, ரோபாக்களாக இருந்தால்தான் எதிர்காலத்தில் தனியார் நிறுவனங்களில் வேலைவாய்ப்பை பெறமுடியும்.தனியார் நிறுவனங்களுக்கு தேவை மனிதர்கள் இல்லை. மனித உருவில் நடமாடும் ரோபாக்கள்தான். இதனால்தான் தெரிந்தே தமது பிள்ளைகளை அவர்கள் மூடர்களாக வளர்த்தெடுக்கின்றனர்.

இப்படிபட்ட ஆசிரியர்கள்,பெற்றோர்கள் தனியார்மய அநீதியை தடுக்க முடியும் என்ற நம்பிக்கையோ,வழிமுறைகளோ ஏதும் இல்லாதவர்கள். சமூகத்திற்கு பின்னே வால்பிடிப்பவர்கள்.

ஆனால் மகஇக குழுமத்தினரோ தனியார்மயம்,தாராளமயம்,உலகமய கொள்கைகளுக்கு தாங்கள் எதிரானவர்கள்,இவைகளை ஒழிப்பதற்கான வழிமுறைகளை உலகிலேயே நாங்கள் மட்டுமே வைத்துள்ளோம் என்றெல்லாம் தம்பட்டம் அடித்துக்கொள்கின்றனர். இதை இந்த கல்வி விழிப்புணர்வு கூட்டங்களிலும் பேசியுள்ளனர்.

தனியார் பள்ளிகளில் ஆங்கில வழியில் பிள்ளைகளை படிக்க வைப்பதால் ஏற்படும் கேடுகளை அறிந்தவர்கள் இவர்கள்.அவற்றை ஒழிப்பதற்கான வழிமுறைகளையும் அறிந்தவர்கள் தாங்கள் என்று கூறிக்கொள்ளும் இவர்கள் தமது பிள்ளைகளை தனியார் பள்ளிகளில்,ஆங்கிலவழியில் படிக்க வைப்பதுதான் பெருங்குற்றம்.

ஏனென்றால் அரசுப்பள்ளி ஆசிரியர்கள் தமது பிள்ளைகளை தனியார் பள்ளிகளில் ஆங்கிலவழியில் படிக்க வைக்கும் செயலுக்கான அடிப்படை கையாலாகாத்தனமே காரணமாகும்.

ஆனால் மகஇக குழுமத்தினர் தமது பிள்ளைகளை இப்படிசெயவதற்கான காரணம் புரட்சி, முற்போக்கு ,சமூக சேவை ஆகியவற்றை தமது பிழைப்பிற்கான சாதனமாக ஆதாரமாக கொண்டிருப்பதுதான்.

சமூக மாற்றம் என்ற உன்னதமான மனிதகுல செயல்பாட்டையே தமது பிழைப்புக்கான ஆதாரமாக கொண்டிருப்பதால்தான் அதாவது சாரம்சத்தில் தனியார்மயம்,தாராளமயம்,உலகமயத்தை பாதுகாப்பவர்கள் என்ற வகையில்தான் இவர்களை நாங்கள் முதலாளித்துவ குழும அமைப்புகளில் ஒன்றாக மக இக குழுமம் என்று வரையறுத்துள்ளோம்.

சமூக வளர்ச்சிக்கும் ,மாற்றத்திற்கும் , முன்னேற்றத்திற்கும் பெரும் தடைகற்களாக திகழும் மகஇக குழுமத்தை போன்ற போலிகளை களையெடுக்காமல் இவைகளை சாதிப்பது ஒருபோதும் சாத்தியமில்லை.